Por terceiro ano consecutivo, ANABAM desenvolve unha campaña no Baixo
Miño galego-portugués (Oia, O Rosal, A Guarda, Tomiño, Tui, Valença,
Vila Nova de Cerveira e Caminha, incluidas as súas feligresías), co
obxecto de protexer os niños de andoriña-dos-beirais (Delichon urbica),
unha especie que se diferencia da andoriña común porque os niños
daquela son pechados, cun pequeno buratiño de entrada, os de andoriña
común están abertos, como unha taza.
A campaña, na que na marxe portuguesa colabora o Grupo COREMA, consiste
en sortear, no próximo mes de outubro, 300 euros entre tódalas persoas
que desexen inscribirse neste programa de conservación. As bases para
participar son as seguintes:
1º/ Poderán acceder a este premio tódolos propietarios ou responsables
de edificios que conten con niños de anduriña de cu branco utilizados
neste ano 2004.
2º/ O ámbito do premio abrangue os concellos galegos do Baixo Miño
(Tui, Tomiño, O Rosal, A Guarda e Oia) así como os da marxe portuguesa
do río Miño (Caminha, Vila Nova de Cerveira e Valença do Minho).
3º/ Se establece un único premio dotado con 300 euros que será sorteado
entre os poseedores de niños de anduriña de cu branco. Por cada niño
ocupado se entregará un número para dito sorteo.
4º/ O premio será entregado o domingo 3 de outubro nun acto organizado
por ANABAM.
5º/ Para ter opción ó premio, os responsables do edificio onde se atope
deberán comprometerse a respeitar os niños, non estragalos e colocar o
cartel suministrado por ANABAM nun lugar visble e ata o fin da campaña.
6º/ Calquer aspecto que non figure nestas Bases será resolto pola
asociación organizadora.
As persoas interesadas en participar nesta campaña poden dirixirse a
ANABAM, tfn: 986 611799 ou móbil 616180557. Poden tamén consultar en
internet: www.anabam.org
En Portugal, se o desexan, poden contactar co Grupo COREMA: email:
corema@oninet.pt ou ben tel/fax: 258721639.
