Visita de escolares da Guarda ó punto limpo

Os alumnos de 6º curso de primaria do CEIP A Sangriña da Guarda abriron o día 18 de decembro as visitas programadas ó punto limpo para escolares de 6º de primaria e 1º da ESO dos centros públicos e privados da Guarda.

Estas visitas culminan o traballo desenvolvido previamente nas aulas coa cumprimentación dunha unidade didáctica preparada conxuntamente polo Concello con membros da Axenda Escolar 21.

Preténdese con estas actuacións concienciar a nenos, e a través deles ós adultos, da necesidade de contribuír na medida das posibilidades de cada quen a crear un pobo ademais de limpo, solidario e respectuoso cos demais e co entorno.

Javier Crespo

BANDA SINFÓNICA MUNICIPAL DE MÚSICA DE RIBADEO

Día 29 de Decembro do 2007
20:30h
Auditorio Municipal Hernán Naval de Ribadeo

Programa:

1ª Parte
Invicta (Overture).……………………………………........................ James Swearingen

For unto you is born this day…………………………………….…….James L. Hosay
Narrador: Miguel Basanta Bal
Coro: Invitación especial

Time to say goodbye……………………………………………..….Sartori Quarantotto
Voz Solista: Miguel Basanta Bal
Piano: Martín Bucki

Concerto di Natale………………………………………………..……Mauro Salvatore

2ª Parte
Fantasía da Ópera "Coppelia"……………………………………….…….Leo Delibes

Pizzicato Polka……………………………………………......………Joh. & Jos Strauss

Lyric Waltz……………………………………………………..…Dimitri Shostakovich
Piano: Martín Bucki
Acordeón: Dolores Fernández

Danza Húngara Nº 5…………………………………………………..……....J. Brahms

Second waltz……………………………………………………….Dimitri Shostakovich

Radaetsky…………………………………………………………...…….……J. Strauss

Director: D. Lourenço Filipe da Silva Cruz

Prémio a material educativo innovador

A Xunta de Galicia concede un premio a materiais educativos innovadores a unha páxina web sobre maquinas hidráulicas tradicionais (muiños, batáns, mazos e serras)

O Diario Oficial de Galicia do día 18/12/2007 publicou unha orde da Consellaría de Educación e Ordenación Universitaria que resolve os premios a recursos educativos para a Sociedade da Información para profesorado de ensino secundario financiados con fondos públicos.

Na modalidade de materiais curriculares web o 1º premio foi para o traballo : A auga, aplicacións enerxéticas na Galicia preindustrial, realizado por un grupo de profesores do IES A Sangriña da Guarda (Pontevedra), coordinados polo profesor de Tecnoloxía Antonio Lomba Baz.

O recurso educativo premiado é o froito de tres anos de traballo e investigación dun grupo de profesores que contaron cun numeroso grupo de colaboradores.

O resultado final é unha páxina web multimedia e interactiva, que emprega as últimas tecnoloxías para a elaboración deste tipo de materiais, na que se aborda a auga, a enerxía hidráulica e as máquinas hidráulicas tradicionais dende a perspectiva das distintas especialidades dos autores. O traballo premiado está concebido, ademais de como recurso educativo, como un material didáctico para aulas, museos e instalacións etnográficas.

António Lomba