Últimos días para matricularse en el Curso de Manipulador de Alimentos que se celebran el sábado 25 en la sede de FEBAM - Tui y el 28 de Enero, martes, en ACIGU - A Guarda, ambos en horario de mañana de 10 a 13 horas.

Los cursos van dirigidos a todo el público, existiendo descuentos para grupos y asociados. La matricula se realiza en los teléfonos 674 342 397 986 605 084 y 986 611 743, o en las sedes de ACIGU CCA y FEBAM.

Además continua abierta la matricula para el Curso de Prevención de Riesgos Laborales, dirigido a trabajadores en activo, que se celebrará el próximo mes de febrero.

ACIGU - A Guarda

O vindeiro luns, 27 de xaneiro, os representantes da Comunidade de Traballo Galicia-Norte de Portugal reuniranse no parador de Baiona co motivo do X Plenario do proxecto transfronteirizo.

A Eurocidade Tui-Valença solicitou o seu ingreso neste organismo recentemente, o cal será aprobado neste acto xunto coa inclusión da unión Chaves-Verín. Con tal motivo, o alcalde de Tui, Moisés Rodriguez intervirá na reunión coma representante da nosa Eurocidade.

A Comunidade de Traballo Galicia-Norte de Portugal ten coma principais obxectivos o desenvolvemento de servizos comúns culturais, sociais ou deportivos, o establecemento de redes de cooperación intermunicipal nos campos da xestión , ordenamento do territorio , desenvolvemento empresarial e integración social, etc.

O proxecto CT Galicia-Norte de Portugal cobra importancia así ao racionalizar os investimentos e gastos públicos para diminuír os riscos de desigualdade entre persoas, territorios e rendas.

No acto, presidido por Alberto Nuñez Feijoo, actual presidente do organismo, estarán os representantes das diferentes localidades transfronteirizas que conforman o proxecto. Abordaranse temas coma O Plan de Investimentos Conxuntos 2014-2020 da Eurorrexión, Balance e perspectivas das actividades desenvolvidas así coma a sinatura do Protocolo para a implementación do Programa de Mobilidade Interuniversitaria da Eurorrexión Galicia-Norte de Portugal, Iacobus.

Por outra banda, o luso Emidio Gomes, actual titular do organismo Comisión de Coordinación e Desenvolvemento Rexional do Norte, será o próximo presidente do proxecto e o encargado de clausurar este X Plenario da Comunidade de Traballo Galicia-Norte de Portugal.

Municipio de Tui

Sábado, 25 de xaneiro, ás 17.00 horas, terá lugar a inauguración das novas instalacións deportivas municipais de tenis de Areas.

Despois de varias actuacións nas mesmas, como o pintado de tres pistas de tenis, o valado perimetral das mesmas, así como a instalación de iluminación, o Concello de Tui conta xa cunha instalación deportiva exclusiva para a modalidade do tenis, que satisface as necesidades da poboación tudense, así como as do Club Tenis Tui.

Con esta intervención o Concello de Tui continúa amosando o seu interese pola practica e desenvolvemento do deporte base e pola creación dun amplo abano de equipamentos deportivos que abranguen as diversas especialidades que contan con afeccionados na nosa localidade, como é agora o caso do tenis.

Municipio de Tui

Por terceiro ano consecutivo a Eurocidade Tui - Valença estará presente na Feira Internacional de Turismo (FITUR) que onte se inauguraba en Madrid e que permanecerá aberta ao público ata o domingo.

O alcalde de Tui, Moisés Rodriguez Pérez, xunto co presidente da Cámara Municipal de Valença, Jorge Salgueiro Mendes, viaxará mañá á capital española para promocionar conxuntamente a Eurocidade Tui-Valença coma destino turístico dentro da oferta das Rías Baixas, promovida pola Deputación Provincial de Pontevedra.

A presentación terá lugar ás 12:30h no pavillón número 9 da Feira onde se atopa o stand Turgalicia. Os dous representantes da Eurocidade intervirán así co fin de dar a coñecer a ampla oferta de turismo activo e de natureza, que grazas o seu enclave privilexiado ás dúas beiras do Miño, ofrecen para a práctica de diferentes deportes acuáticos. Salientaranse tamén recursos saudables e naturais coma a Ecopista de Valença, o Parque Natural do Monte Aloia, coa recente restauración do castro do Alto dos Cubos, sen esquecer o conxunto histórico de ámbalas dúas cidades, cunha longa historia plasmada nas súa empedradas rúas e murallas.

Para o alcalde de Tui, Moisés Rodríguez, a iniciativa comezada xa hai tres anos de promocionar o conxunto da Eurocidade en FITUR supón unha repercusión máis que positiva para fomentar o turismo na nosa localidade. O feito de ser un destino no que o turista pode visitar nun mesmo día ou viaxe dous países, con 3 linguas diferentes e paisaxes, converte á Eurocidade nun destino chamativo e singular para os que deciden achegarse e coñecer a nosa comunidade e o sur dela en particular.

FITUR é unha das feiras máis importantes de turismo do mundo que no ano anterior reuniu a empresas expositoras de 167 países, cun total de 91.082 visitantes e unha cobertura mediática importante coa presenza de máis de 7.200 xornalistas procedentes de 59 países diferentes.

Municipio de Tui

Unha trintena de alumnos de 1º da ESO do IES San Paio, acompañados polos seus profesores, visitaron onte o Concello de Tui onde foron recibidos polo alcalde, Moisés Rodríguez, a concelleira de Educación, Vanesa Rodríguez, e varios membros do equipo de goberno.

O alumnado do IES San Paio coñeceu así de primeira man o funcionamento da administración local, percorrendo as distintas dependencias da Casa do Concello. Explicaron ao rexedor que no marco dun proxecto interdisciplinar que están a realizar están a facer un estudo sobre as zonas verdes do instituto avaliando como melloralas. Unha das opcións barallas é a colocación de bancos nos xardíns do centro, motivo polo que na visita que realizaron ao Concello aproveitaron para exporlle ao alcalde esta solicitude tal e coma tiñan feito con anterioridade no escrito onde solicitaron ser recibidos.

Moisés Rodríguez, alcalde de Tui, valora de forma positiva o interese destes mozos e mozas por coñecer a administración máis cercana a eles, o seu funcionamento, departamentos e servizos.

Municipio de Tui

Remataron con éxito as tarefas de limpeza, acondicionamento e sinalización do Castro do Alto dos Cubos da man de persoal contratado especificamente para as obras por parte da Deputación. Estas tarefas acometéronse dentro do programa para o aproveitamento Turístico dos Recursos Galaico Romanos promovido pola Deputación de Pontevedra en colaboración coa Xunta e os Concellos.

O programa, cun investimento total de 2,5 millóns de euros, busca a potenciación dos xacementos arqueolóxicos da provincia de Pontevedra como método de ampliación da oferta turística, facilitando un turismo constante durante todo o ano, non só nas épocas estivais. Xunto ao turismo de ocio e deportes, o turismo cultural aumenta a súa demanda tal e como se aprecia no emerxente turismo termal ou de relax, polo que o acondicionamento do patrimonio arqueolóxico da provincia axuda a potenciar este tipo de turismo.

O Castro do Alto dos Cubos, datado na Idade de Bronce, ofrece a contemplación de diversas estruturas habitacionais, concretamente no cume, onde existe un sector de 190 m2 con tres vivendas circulares, dúas delas con vestíbulo. A muralla defensiva do castro consérvase tamén no alto deste xacemento.

Grazas as tarefas de limpeza e sinalización, o visitante poderá disfrutar desta herdanza histórica nun entorno idílico con vistas privilexiadas do Val do Miño.

As accións levadas a cabo favorecen tamén a captación de turistas estranxeiros xa que se trata de actividades e rutas polo patrimonio Galaico-Romano da nosa comunidade,achegando aos visitantes o coñecemento da vida dos nosos antepasados en contacto directo coa natureza, sinal e valor inconfundíbel de Galicia.

Para o alcalde de Tui, Moisés Rodríguez Pérez, este proxecto é unha feliz iniciativa da Deputación Provincial para a posta en valor dun importante elemento patrimonial do noso concello como é o xacemento castrexo do "Alto dos Cubos ou Cabeza de Francos" que foi escavado en diversas oportunidades e que no seu emprazamento dotado dunha ampla panorámica paisaxística sobre o Val do Miño. Grazas a este proxecto este castro ubicado nas abas do Monte Aloia, na parroquia de Pazos de Reis, disporá daqueles elementos precisos para a súa contextualización e valorización polos visitantes. Esta intervención dotará de máis "valor engadido" ao Parque Natural do Monte Aloia -onde esta ubicado- e ao propio conxunto monumental tudense. Deste xeito, remata o rexedor tudense, se incrementan as potencialidades patrimoniais e turísticas de Tui.

Xunto co Castro do Alto dos Cubos, o programa provincial integra tamén os castros visitables de Castrolandín (Cuntis), Coto de Altamira (As Neves); Alto da Cruz do Castro (Cotobade), Castro de Alobre (Vilagarcía), Adro Vello ( O Grove) Monte Castro (Ribadumia), A Lanzada ( Sanxenxo) Castro da Subida ó Cividá (Marín), Castro das Croas (Pontevedra), Monte Facho (Cangas), Castro da Punta do Muiño do Vento e Castro de Vigo (Vigo), Castro de Troña (Ponteareas), Castro de Torroso (Mos), Castro de Santa Tegra (A Guarda) e Igrexa Vella de (Valga). Posteriormente, afectará a outros da provincia. Dentro desta intervención a Deputación pretende incluír tamén o Proxecto Depodeza para a posta en valor da riqueza castrexa da comarca do Deza.

Municipio de Tui