A Guarda convértese na Semana Santa na referencia do Baixo Miño cunha gran tradición das súas celebracións relixiosas.

Este venres 27 de marzo darán comezo os actos relixiosos coa misa solemne e posterior procesión ás 20:30h polo venres de dor. Este domingo ás 11:30h celebrarase a tradicional bendición de ramos no auditorio de San Benito, seguido da procesión cara a igrexa parroquial par a Misa de Ramos.

O Xoves Santo, ás 21:00h sairá a procesión dos Pasos. Xa para o Venres Santo, ás 11:00h celébrase a procesión do Encontro coa súa recreación na praza do Reló. Mentres que pola noite, ás 21:00h sairá a procesión do Santo Enterro.

Co fin de semana, o sábado ás 8:00h celébrase a Procesión da Soidade, e en horario nocturno, ás 22:00h, será a solemne Vixilia Pascual. Para rematar as celebracións relixiosas, o Domingo de Pascua celébrase a misa solemne e a bendición ás 11:30h.

Con motivo das procesións realizaranse cortes de tráfico puntuais, sinalados polos axentes da Policía Local.

Concelho de A Guarda

" Realizaranse ata 5 obradoiros gratuítos de música, zumba, cerámica, ganchillo...

A OMIX do Concello da Guarda organiza xunto as asociacións locais a programación do TARDEO, uns obradoiros de actividades gratuítas.

Os guardeses e guardesas poderán elaborar pezas de ganchillo, boliñas de sementes, pezas de barro...e tamén participar nunha clase de zumba ou nun obradoiro de percusión.

Toda esta oferta de obradoiros busca dar diferentes opcións de ocio na Guarda, con actividades relacionadas co traballo manual, a música e a natureza; e coa posibilidade de descubrir novo "hobbies". Para a primavera de 2026, a programación do TARDEO é:

" Elabora unha peza de ganchillo: pola Asociación do Traxe Galego, o sábado 11 de abril ás 11:00h. Inscrición: do luns 30 de marzo ao 6 de abril.
" Boliñas de sementes: pola Asociación Foco Europa, o sábado 18 de abril ás 11:00h. Inscrición: do luns 6 ao 13 de abril.
" Embárrate 3.0; pola Asociación Avelaíña, o sábado 16 de maio ás 10:30h. Inscrición: do luns 4 ao 11 de maio.
" Clase de zumba: polo Club de Judo Baixo Miño, o venres 29 de maio ás 18:00h. Inscrición: do luns 18 ao 25 de maio.
" Percusión para sobrevivir ás Festas do Monte: pola Asociación Cultural Xida, o sábado 30 de maio ás 11:00h. Inscrición: do luns 18 ao 25 de maio.

As inscricións e a solicitude de máis información realízanse a través do correo da OMIX, informacion@aguarda.es. Apúntate a desfrutar e probar actividades diferentes na Guarda!

Concelho de A Guarda

Esta Semana Santa volven as visitas guiadas ao Castro de Santa Trega, organizadas polo Patronato do Monte Santa Trega. Estas visitas son de carácter gratuíto e non precisan reserva.

Como punto de encontro para o comezo é o aparcamento da Casa Forestal, xusto despois de pasar a zona do castro pola estrada. Durante 45 minutos as persoas asistentes aprenderán sobre a historia do castro e da vida dos seus habitantes. A visita céntrase no valor arqueolóxico da zona escavada do Castro, nun percorrido de menos dun kilómetro que inclúe o Barrio da Mergelina e as viviendas reconstruídas.

Para esta Semana Santa organízanse ata catro visitas diarias de mércores a sábado: dúas en horario de mañá, ás 11:00h e ás 12:30h; e dúas pola tarde, ás 16:30h e ás 18:00h. O domingo só se realizaran as visitas en horario de mañá.

Estas visitas pódense completar coa visita ao MASAT (Museo Arqueolóxico Santa Trega) na cima do monte, así como coa visita á capela ou cun percorrido ás sendas de sendeirismo e aos miradores de 360º que ofrece o monte.

Concelho de A Guarda