A Plataforma en Defensa da Sanidade Pública da Guarda informa a todas as persoas que acudan a manifestación en defensa da sanidade pública o próximo 4 de febreiro que poden reservar praza no autobús ata o venres día 2 ás 2 da tarde no teléfono 986 610465.

A Plataforma lembra que propoñen 13 medidas urxentes para afrontar o deterioro que sofre a sanidade pública e chama á cidadanía a encher a Praza do Obradoiro de Santiago o vindeiro domingo, 4 de febreiro "cunha única voz en defensa da sanidade pública que queremos e merecemos".

Entre as medidas demandas para recuperar a sanidade Pública en Galiza destacan o incremento do orzamento sanitario en Atención Primaria ata o 25% do total, tal como recomenda a Organización Mundial da Saúde (OMS), incrementar o persoal, reintegrar o servizo de ambulancias ao sistema público e aumentar a dotación das mesmas, implementar un plan urxente para racionalizar as listas de agarda hospitalarias, recuperar o Hospital Álvaro Cunqueiro para o sistema público, elaborar un Plan de saúde mental consensuado ou eliminar a inestabilidade e precariedade laboral do persoal.

Plataforma en Defensa da Sanidade Pública da Guarda

Concello de A Guarda