A vindeira semana terá lugar o ciclo de charlas que conforma a primeira edición das Xornadas de Memoria Histórica, organizadas conxuntamente pola Asociación para a Recuperación da Memoria Histórica de Camposancos e o IES A Sangriña, coa colaboración do Concello de A Guarda.

Celebraránse en paralelo no Instituto, en horario de mañá para o alumnado, e na Casa dos Alonso e o Ce ntro Cultural, á tardiña, para o público interesado.

Especialistas na materia da categoría do profesor Xesús Alonso Montero, José Ballesta, Beatriz Lis e Fernando Serrulla achegarannos a nosa historia recente, a dos días máis negros da nosa vila.

Horario e temas

Luns, 27 de marzo, ás 12:20 (IES A Sangriña)

Xesús Alonso Montero Cartas de republicáns galegos do BaixoMiño condenados a morte no 1936

Luns, 27 de marzo, ás 20:00 (Casa dos Alonso)

José Ballesta e Beatriz Lis Memorial de Camposancos: testemuñas e documentos para dar voz á verdade

Martes, 28 de marzo, ás 12:20 (IES A Sangriña)

José Ballesta e Beatriz Lis

Martes, 28 de mar zo, ás 20:00 (Casa dos Alonso)

Xesús Alonso Montero

Venres, 31 de marzo, ás 12:20 (IES A Sangriña)

Fernando Serrulla Antropoloxía forense e dereitos humanos

Venres, 31 de marzo, ás 20:00 (Centro Cultural)

Fernando Serrulla

Asociación para a Recuperaciónn da Memoria Histórica do campo de concentración de Camposancos e Fosa Común de Sestás

A Unidade Móbil 6 de inspección técnica de TURISMOS desprazarase ao Concello de A GUARDA nas seguintes datas e ubicacións:
" do 15/05/2023 ao 16/05/2023 Estación de Servicio San Roque (A Guarda)
" do 18/05/2023 ao 30/05/2023 Estación de Servicio San Roque (A Guarda)

O horario de atención será de 9:00 a 13:30 pola mañá, e de 15:15 a 18:00 pola tarde. O servizo prestarase en horario de mañá e tarde todos os días, agás:
" 30/05/2023 que será horario só de mañá

Para solicitar cita previa:
" Por teléfono: 902 30 90 00
" A través da nosa páxina web: www.sycitv.com - Cita previa

NOTA: A admisión de vehículos con características particulares estará condicionada á posibilidade de realizar as operacións de inspección regulamentarias.

Concello de A Guarda

" O Concello da Guarda súmase a esta iniciativa simbólica en favor da natureza e o cambio climático.

" Para Montserrat Magallanes, Concelleira de Medio Ambiente, todas as iniciativas que axuden a paliar os efectos do cambio climático terán sempre o apoio do equipo de goberno, tal e como queda de manifesto nas diferentes iniciativas postas en marcha dende o consistorio local en materia de eficiencia enerxética, compostaxe, xestión do lixo ou no cumprimento dos Obxectivos de Desenvolvemento Sostible da Axenda 2030, o Pacto dos Alcaldes polo Clima e a Enerxía(PACES), entre outros.

O Concello da Guarda súmase este sábado 25 de marzo, entre 20:30 e 21:30 horas, á "Hora do Planeta", unha acción que naceu fai catorce anos e que foi promovida pola organización WWF en prol da defensa da natureza e do medio ambiente. Deste xeito, o Goberno local apagará as luces na Praza do Reló, convidando tamén á cidadanía a facelo nas súas vivendas e propiedades.

Milleiros de cidades, institucións e persoas de todo o mundo amosarán o apoio global á acción conxunta contra o cambio climático, neste ano atendendo ao chamamento da Federación Española de Municipios e Provincias e á Rede Española de Cidades polo Clima.

A "Hora do Planeta" serve para demostrar que a todas e todos impórtanos o planeta e de que xuntos somos parte da solución ao cambio climático e á loita pola conservación da natureza. O obxectivo é actuar agora para que non se poña en perigo a nosa calidade de vida e a das xeracións vindeiras.

Para Montserrat Magallanes, Concelleira de Medio Ambiente, todas as iniciativas que axuden a paliar os efectos do cambio climático terán sempre o apoio do equipo de goberno, tal e como queda de manifesto nas diferentes iniciativas postas en marcha dende o consistorio local en materia de eficiencia enerxética, compostaxe, xestión do lixo ou no cumprimento dos Obxectivos de Desenvolvemento Sostible da Axenda 2030, o Pacto dos Alcaldes polo Clima e a Enerxía(PACES), entre outros.

Concello de A Guarda