O Concello de Tomiño conmemora o Día do Libro coa convocatoria dun concurso de reseñas bibliográficas. Organizado pola Concellería de Cultura, a través da OMIX (Oficina Municipal de Información Xuvenil), as persoas que se anoten terán a posibilidade de escoller entre dous libros: "Los besos en el pan", de Almudena Grandes, e "Sen Piedade", de Pedro Feijoo.

Para participar no concurso é necesario ler unha das obras e logo escribir unha reseña de entre 500 e 700 palabras. Por último, facerse unha foto co texto elixido e logo, loxicamente, enviar a reseña e a foto á OMIX por medio de correo electrónico antes do 10 de maio (omix@tomino.gal)

A persoa gañadora recibirá un vale por 50 euros para gastar na libraría "Novidades" de Tomiño, ademais de ver publicada a súa reseña nas redes sociais municipais.

Ademais, a Concellería de Cultura de Tomiño ofrece un 10% de desconto en todos os textos literarios, en colaboración coa libraría Novidades, que engade outro 10% de rebaixa adicional, para quen compre un libro o día 23 de abril.

Club de Lectura XUVENIL

A OMIX ofrece, a través do programa de voluntariado local, un CLUB DE LECTURA DE BALDE que terá lugar o primeiro venres de cada mes en horario de 16.30h a 17.30h

A actividade, especialmente dirixida a público infantil, consistirá na lectura de diferentes temáticas e no fomento do uso da lingua galega, da lectura e do pensamento crítico. Levarase a cabo no local da OMIX de Tomiño dende o mes de maio (ou xuño) até final de ano. Será todos os primeiros venres de mes en horario de 16.30h a 17.30h. e as prazas serán limitadas.

Concello Tomiño

O sábado chega ao auditorio de Goián "O Furancho" de Ibuprofeno Teatro, e o domingo, para público familiar, "Estrafalaria" de Xarope Tulú

Tras a Semana Santa, continúa a Programación Cultural esta fin de semana, con 2 propostas moi atractivas.

O SÁBADO 23: "O Furancho" de Ibuprofeno Teatro. Un furancho onde se pode consumir o excedente de viño, que é sinónimo de humor, e gozar dun espazo de comuñón e complicidade. Todo sen química, nin sulfitos. Ecolóxico 100% .
Data: Sábado 23 de abril
Hora: 21h
Idade: A partir de 12 anos
Lugar: Auditorio de Goián
Prezo: 3€

E o DOMINGO 24: "Estrafalaria" de Xarope Tulú, espectáculo que combina a narración oral coa manipulación de obxectos, e onde o público participa activamente do relato. O obxectivo é transmitir a idea da diversidade como valor enriquecedor.
Data: Domingo 24 de abril
Hora: 17.30h
Idade: público infantil e familiar
Lugar: Auditorio de Goián
Prezo: GRATIS

Concello Tomiño

No 2021 xestionáronse nos 16 Centros de Compostaxe Comunitaria de Tomiño 159 toneladas de biorresiduos e restos vexetais e un total de 2200 vivendas do rural xestionan actualmente os seus biorresiduos mediante composteiro individual

Tomiño leva traballando dende o 2018 no tratamento separado dos biorresiduos, a través da compostaxe in situ, tanto individual coma colectiva, no marco do Plan REVITALIZA, para adaptarse á recente norma estatal de residuos "Lei 7/2022, de 8 de abril, de residuos e solos contaminados para unha economía circular", que obriga ás entidades locais a establecer sistemas para a xestión separada dos biorresiduos antes do 31 de xuño do 2022.

Por outra banda, o Concello está en plena realización dun "Estudo técnico de xestión e prevención de residuos municipais", no que se integrará un estudo económico da solución ou solucións propostas que sirvan de base para futuras ordenanzas, adaptadas á nova normativa, e para o cal ten concedida unha subvención de 15.000 € por parte da Deputación de Pontevedra, en xunta de goberno do 24 de xaneiro de 2022.

"No ámbito da compostaxe, sen chegar aínda ós obxectivos marcados, os datos son alentadores", comenta a concelleira de Medio Ambiente, Ana Belén Casaleiro, pois no ano 2021 xestionáronse nos 16 Centros de Compostaxe Comunitaria (CCC) de Tomiño 159 toneladas de biorresiduos e restos vexetais. Conseguiuse contactar co 30% das vivendas ás que lle corresponde o uso destes centros (1089 pisos en altura, suman os núcleos urbanos de Goián e Seixo), ás que se lles foi entregado o caldeiro (344 unidades entregadas) para separación do residuo orgánico, e dos cales estimamos que o usan un 80%.

En canto ó uso de composteiro individual para autocompostaxe, hai un total de 2200 vivendas (hai unhas 5300, pero non todas habitadas) do rural de Tomiño que o teñen instalado. Neste caso, estímanse 388 tn de biorresiduo autoxestionadas polos veciños no 2021, e que polo tanto non son depositadas no colector verde, evitando o seu transporte e xestión na planta de SOGAMA. Según a edil, "Non podemos esquecer que este importe é maior xa que moitos veciños e veciñas de Tomiño xestionan os seus residuos orgánicos de forma tradicional, mediante pila, alimentación animal e composteiros artesanais".

Outro dato de interese é que a partir do mes de xuño do 2021, cando se puxo en marcha o sistema de préstamo de biotrituradoras, recibíronse un total de 33 solicitudes ata final do ano, e só nos dous primeiros meses do 2022, alcanzouse xa a mesma cifra.

Dende a Concellería de Medio Ambiente lembran que a Empresa SM Sistemas Medioambientais, está a realizar os seguementos dos composteiros repartidos nas vivendas unifamiliares, para axudar a resolver dúbidas sobre o seu funcionamento, ademais de seguir realizando entregas nas casas que aínda non contan con composteiro. Pódese contactar con eles no mail rabal@sistemasmedioambientales.com

Cabe destacar ademáis, que xa se instalaron, nos últimos meses, composteiros de maior tamaño (830 L) nalgúns productores singulares, e a súa xestión está sendo todo un éxito. Actualmente hai 7 productores singulares compostando: Comunidade terapéutica Alborada, Centro de Día, restaurante Casa das do Correo, Casa Chaver, Asociación Vontade, Casa Faustino e Casa Social de Estás, cun total de 12 coins de 830 L e 1 de 300 L, nos que se estima que se xestionaron xa cerca de 6 toneladas de biorresiduos.

Concello Tomiño

Marcos del Prado será o encargado de amenizar unha nova cita este 24 de abril a partir 12.30 horas

Xa está todo listo para unha nova cita cos domingos de sesión vemú no Mercado de Tomiño, que esta fin de semana cede o escenario a un músico novo na súa aposta por artistas emerxentes e locais. Marcos del Prado será o encargado de amenizar este 24 de abril a xornada nunha actuación acústica programada ao abeiro das accións de 'Vive!', unha campaña posta en marcha polo Concello co obxectivo de reactivar a actividade económica e social do municipio.

A partir das 12.30 horas, o público poderá gozar no primeiro andar do Mercado da música en directo con guitarra acústica mentres toma algunha bebida e desfruta do tempo de lecer nun espazo único. Un amplo repertorio no que Del Prado interaccionará co público e percorrerá estilos que irán dende o country ou o rock español dos 80 ata o folck, os temas sociais ou a música de Luís Emilio Batallán para facer desfrutar a todas e todos os presentes. A actividade será de balde ata completar aforo.

O programa de actividades da campaña 'Vive!', con concertos e música en directo nas sesións vermú e a degustación de pinchos de autor nos 'Sábados con sabor', está a ter unha grande acollida por parte dea veciñanza, que encheu o mercado e as rúas de vida e animación durante todas estas fins de semana.

Concello Tomiño

Un total de 2000 vivendas do rural xestionan os seus biorresiduos mediante un composteiro individual, o que representa outras 388 toneladas de residuos orgánicos que non van parar a SOGAMA

Tomiño leva apostando máis de 3 anos pola compostaxe mediante os composteiros comunitarios nos núcleos urbáns e os composteiros individuais nas vivendas rurais.

Dentro do Plan Revitaliza da Deputación de Pontevedra, a Concellería de Medio Ambiente que dirixe Ana Belén Casaleiro, complementa este sistema co préstamo de biotrituradoras, e con puntos verdes para a xestión dos restos restos vexetais, adaptándose, deste modo, á recente "Lei 7/2022, de 8 de abril, de residuos e solos contaminados para unha economía circular", onde entre outras novidades se obriga ás Entidades Locais a establecer sistemas para a xestión separada dos biorresiduos, antes do 31 de xuño do 2022.

Así, no ano 2021 xestionáronse nos 16 Centros de Compostaxe Comunitaria (CCC) de Tomiño 159 toneladas de biorresiduos e restos vexetais. Estímase que un 80% dos máis de 300 pisos dos centros urbanos (de Tomiño e Goián) aos que se lles entregou un caldeiro para separación do residuos orgánicos, o utilizan regularmente.

Por outra banda, unhas 2000 vivendas do rural de Tomiño (das 5300 que hai en total) xestionan o seus biorresiduos mediante un composteiro individual, o que representa outras 388 toneladas de biorresiduos que non son depositados no colector verde, evitando o seu transporte e a xestión na planta de SOGAMA. "Non podemos esquecer que este importe é maior xa que moitos veciños e veciñas de Tomiño xestionan os seus residuos orgánicos de forma tradicional, mediante pila, alimentación animal e composteiros artesanais", sinala a concelleira responsable da área.

Outro dato de interese é que a partir do mes de xuño do 2021, cando se puxo en marcha o sistema de préstamo de biotrituradoras, recibíronse un total de 33 solicitudes ata final do ano, e só nos dous primeiros meses do 2022, alcanzouse xa a mesma cifra.

Desde Medio Ambiente lembran que a Empresa SM Sistemas Medioambientais, está a realizar os seguementos dos composteiros repartidos nas vivendas unifamiliares, para axudar a resolver dúbidas sobre o seu funcionamento, ademais de seguir realizando entregas nas casas que aínda non contan con composteiro.

Pódese contactar con eles no mail rabal@sistemasmedioambientales.com

Por outra parte, o servizo comenzou a xestionar biorresiduos dalgúns productores singulares mediante composteiros de maior tamaño (830 L), que están funcionando moi ben. Actualmente hai 7 productores singulares compostando, Alborada, o Centro de Día, a Casa das do Correo, a Casa Chaver , Asociación Vontade, a Casa Faustino e a Casa Social de Estás, cun total de 12 coins de 830 litros e 1 de 300 litros, nos que se estima que se xestionaron outras 6 toneladas de biorresiduos.

Concello Tomiño