" O venres 8 de abril a especialidade de Promoción turística local e información ao visitante do Obradoiro de Emprego Manuel B. Portela fixo a presentación de varios proxectos nos que leva traballando dende o inicio da súa actividade.

En primeiro lugar presentáronse os resultados dunha enquisa realizada a pé de rúa, onde a poboación opinou sobre aspectos relacionados co turismo guardés como poden ser o patrimonio, os servizos e as infraestruturas.

Dentro das conclusións resalta o recoñecemento co que conta entre a cidadanía guardesa o Camiño Portugués da Costa como importante recurso turístico e a necesidade de ter mellor comunicación tanto co resto da comunidade autónoma como con Caminha. Así mesmo expuxéronse un amplo abano de interesantes conclusións que serán analizadas polo equipo de goberno en aras de continuar mellorando a nivel turístico.

Outro dos proxectos que se presentou foi unha Ruta da Arquitectura Indiana na Guarda, un extenso itinerario que percorre diferentes lugares e rúas do municipio, coa descrición e localización de moitas das construcións indianas, tanto no casco urbano, como nas parroquias de Salcidos e Camposancos. Para este proxecto contaron coa colaboración de Miguel Villa ao que agradecemos enormemente o seu compromiso con esta parte tan importante do noso patrimonio.

Finalmente presentouse unha publicación sobre o Patrimonio da Guarda, un amplo estudo sobre múltiples elementos que compoñen o noso patrimonio como recursos histórico-artísticos, museos, persoeiros ilustres, espazos naturais, etc.

O resultado foi a edición impresa de cada un dos proxectos, rematando o acto coa intervención do Alcalde que amosou a súa satisfacción polos proxectos presentados e recoñeceu o gran labor deste grupo de alumnas e alumnos, así como do profesorado que os/as guiou durante o proceso.

Concello de A Guarda

Dentro do Ciclo medioambiental Sostendo o futuro, a OMIX da Guarda, en colaboración con Medio ambiente, oferta tres obradoiros diferentes baixo o título Balcóns verdes, coa intención de aproveitar os balcóns ou terrazas para crear zonas verdes para gozar, para espertar o interese en cultivar á propia saúde e acadar momentos de alegría tanto para nós como para a comunidade en xeral todo coa axuda do mundo vexetal e a súa diversidade.

Os obradoiros terán unha duración de 10 horas cada un, repartidas entres os venres pola tarde e os sábados polas mañás e poderán realizarse todos ou cada un por separado.

Os cursos van dirixidos a persoas con ou sen experiencia nos cultivos de plantas, só terán interese na creación de espazos verdes, na diversidade de colores, olores e colleitas.

Os tres obradoiros son:

• Plantas aromáticas e flores no balcón.

22, 23, 29 e 30 de abril
— Coñecer a orientación óptima no teu balcón e que flores e plantas aromáticas poderanse cultivar
— Macetas e outros envases para o cultivo así como a importancia da terra apropiada. Onde conseguir a mistura de terra axeitada para o meu cultivo.
— Que é o que quero e podo cultivar no meu balcón. Onde e como adquiro as plantas.
— Usos das herbas e plantas medicinais na cociña e infusións.
— Exemplos para a reprodución e conservación das plantas

• Balcón verde de plantas comestibles

6,7,13 e 14 de maio
— Coñecer a exposición do balcón ao vento e ao sol: cales son as hortalizas que podo cultivar.
—Aprender a aproveitar ao máximo cada espazo para poder cultivar variedades diferentes. Estruturas diferentes para cada balcón ( palets, estantes,…)
— Combinacións de hortalizas para favorecer un crecementos saudable (plano de cutivo para cada participante)
— Exemplos de combinacións de hortalizas e plantas aromáticas que melloran o crecemento e atraen insectos para garantizar a colleita (importancia polinización)

• A horta vertical con ciclo biolóxico completo

20,21,27 e 28 de maio
— Que é unha horta vertical con ciclo biolóxico completo e que necesidades ten.
— A construción do envase para a horta vertical con compostaxe, adaptada a cada balcón e o seu espazo.
— A terra para cubrir as necesidades das plantas.
— Adquisición semente, reprodución plantas anuais e perennes
— Mellores combinacións de hortalizas, plantas aromáticas, flores etc

Para información e inscrición todas as persoas interesadas deberán poñerse en contacto con OMIX A Guarda no mail informacion@aguarda.es

Concello de A Guarda

A Guarda e Caminha organizan a actividade Andainas Primavera 2022 como en anos anteriores pero que no ano 2020 tiveron que cancelar coa chegada da pandemia.

Este ano retomase esta actividade na que veciños galegos e portugueses gozaban do espazo natural e patrimonial de ámbolos dous países.

Nesta primavera organizase 4 andainas e que terán un custe de 10€ por andaina e persoa e como en edicións anteriores os participantes galegos sairán da explanada da Sangriña en autocar para xustarse co autocar de Caminha. Os horarios de saída e regreso están pendentes de confirmar.

As prazas son limitadas polo que se abre un prazo de inscrición para os interesados a partir do luns 11 de abril. A inscrición realizarase na Oficina de Turismo da Praza do Reló e priorizarase a inscrición presencial.

Este é o calendario das andainas coa descrición:

ANDAINA 1.- SÁBADO, 30 DE ABRIL: TRILHO NA SERRA D'ARGA (CAMINHA)

Tipo: ruta pequena

Percorrido: ecolóxico / paisaxe
Punto de partida: Arga de Cima
Distancia: 15 km
Duración: 5,5 h
Grao de dificultade: fácil/medio

Descrición:

A Serra d'Arga é unha das zonas máis emblemáticas do Alto Minho, non só pola inmensidade das paisaxes salvaxes na súa cima, senón tamén pola singularidade dos seus valores naturais e culturais.
Nos puntos máis altos do monte, dominados por impoñentes macizos graníticos, existen zonas de pasto naturais de rara beleza onde se dan diferentes tipos de matogueira nunha matriz de pastos cunha notable diversidade florística. Próximo ás pintorescas vilas que se desenvolven na transición ao xisto, hai campos de cultivo, marismas e bosques naturais, atravesados por varias liñas de auga.
O xacemento "Serra de Arga" posúe un valioso patrimonio natural, que inclúe hábitats naturais e seminaturais, así como especies de fauna e flora de conservación prioritaria. Este territorio posúe unha extraordinaria riqueza florística, incluíndo especies raras ou en perigo de extinción.
Esta ruta, na zona de Arga de Cima, Arga do Baixo, Arga de São João e Dem, asentamentos rurais da Serra d'Arga, discorre por unha das zonas máis emblemáticas do Alto Minho, no val da Ribeira de Arga e o val da Ribeira de São João, en zonas de marismas, campos de cultivo e bosques naturais, atravesadas por varias liñas de auga, polas que é posible entrar en contacto con aspectos de interese xeolóxico e xeomorfolóxico, e apreciar diversos exemplos de arquitectura vernácula, como muíños e hórreos. Desde o Cabeço do Meio Dia, na Arga de Baixo, a 550 m de altitude, pódese contemplar unha das panorámicas máis impresionantes e amplas da comarca, desde o val do río Coura, o Monte de Santa Trega na Guarda, ata o Corno Paisaxe do Bico e a Serra da Peneda.

ANDAINA 2.- SÁBADO, 14 DE MAIO: RUTA POLA RIBEIRA DO ULLA - TOURO

Tipo: ruta sinalizada - lineal

Percorrido: natural/etnográfico
Punto de partida/chegada: Ponte Basede / San Pedro da Ribeira
Distancia: 13 km
Duración: 4 h
Grao de dificultade: fácil

Descrición:

Esta senda percorre a marxe dereita do Río Ulla para achegarnos en medio dunha fermosa paisaxe, ata lugares tan emblemáticos no Concello de Touro como a Fervenza do Infermiño ou Pozo do Pego.
Durante o camiño descubriremos os restos do Pazo de San Cristovo, pequenos muíños e as agachadas e antigas ouriceiras que salpican repetidamente os frondosos soutos.
Nas Proximidades da poboación de San Pedro de Ribeira gozaremos da tranquilidade da vaira do Pozo do Pego, un lugar natural de extraordinaria beleza.
Durante a senda, o que máis sorprenderá serán os cambios de vexetación, que abranguen bosques de tipo mediterráneo con sobreiras e xaras, bosques atlánticos como os soutos ou as carballeiras e, a pouca distancia, uns tupidos bosques de ribeira. É un traxecto de pouca dificultade pero onde é moi recomendable o uso de botas de montaña e roupa axeitada.

ANDAINA 3.- SÁBADO, 4 DE XUÑO: TRILHO NA PAISAXE PROTEXIDA DO CORNO DE BICO, PORTUGAL

Tipo: ruta pequena

Percorrido: ecolóxico / paisaxe
Punto de partida: Tumba, Beout
Distancia: 10 km
Duración: 4,5 h
Grao de dificultade: fácil/medio

Descrición:

O Corno de Bico é un espazo emblemático do concello de Paredes de Coura e de gran importancia para a comarca, considerado un pequeno santuario natural, un espazo de rara beleza que o home conformou de forma harmónica, de alto valor ecolóxico, de gran beleza. e importancia para a comarca do Alto Minho. Hoxe ten un importante papel na conservación da natureza, o que permitiu a súa inclusión como sitio clasificado na Rede Europea NATURA 2000 e na Rede de Espazos Protexidos de Portugal. Neste territorio é igualmente importante o patrimonio humano das comunidades rurais. Dende o punto máis alto desta ruta, miradoiro natural, pódese apreciar unha paisaxe maxestuosa que se abre ben ao Val do Río Coura, ben aos Vales dos Ríos Vez e Lima.

ANDAINA 4.- SÁBADO, 9 DE XULLO: PR-G100 - SENDEIRO NATURAL ACIVEIRO - CANDÁN

Tipo: ruta sinalizada - circular

Ámbito: natural/etnográfico
Punto de partida/chegada: Mosteiro de Aciveiro
Distancia: 15 km
Duración: 4,5 h
Grado de dificultade: fácil / media

Descrición:

O sendeiro PR-G 100 consiste nunha ruta circular de 15 km con principio e fin no Mosteiro de Aciveiro. Camiñando cara a Vilaverde, atravésase o río Lérez rodeados de moitas especies arbóreas ata chegar, preto, da Rochela, a unha alvariza que da testemuña da presenza pasado do oso. Despois, entre prados, matogueiras, brañas e pequenos bosques ascéndese polas abas da Serra do Candán, espazo natural Rede Natura 2000.
A ruta descende cara a Lamasgalán de Arriba, onde un camiño de carro dirixe ao camiñante ata Lamasgalán de Abaixo. Gozando das paisaxes e dos ecosistemas humanizados deste lugar, chégase ata a Ponte Vella de Andón, para logo percorrer as ribeiras de Lérez en busca novamente o Mosteiro. Casas, pontes, muíños e cruceiros son mostras do afamado traballo dos vellos canteiros destas terras.

Concello de A Guarda