"Mulleres Conectadas" é o título do primeira xornada de negocios que se vai celebrar o martes, 29 de marzo, na Aula da UNED de Tui. Está organizado polo Concello de Tui, a través da concellería de igualdade, dentro programación do mes de marzo.

"Mulleres conectadas" será encontro de mulleres, un espazo para xerar oportunidades, compartir experiencias, crear redes e fortalecer o talento con un fin común, profesional, persoal e colaborativo. Será un encontro en feminino para promocionar, coñecer e conectar.

Esta actividade, baseada na filosofía Networking consiste no establecemento dunha red profesional de contactos que permite darnos a conocer a nosotros y a nuestro negocio, escuchar y aprender de los demás, enseñar o intercambiar información, conocimiento o contactos que ayuden a fortalecer nuestras relaciones y conseguir beneficios profesionales mutuos, para avanzar más rápido.

Mulleres Conectadas é unha ferramenta comercial, para conectar persoas e empresas con una característica común, ser muller empresaria , emprendedora ou directiva.

Unha actividade organizada pola concelleria de igualdade da man de Qonet networking.

Concello Tui

Valoración positiva da promoción turística de Tui na BTL, Bolsa de Turismo de Lisboa, onde está a participar coa Eurocidade Tui-Valença e coma membro da Red de Juderías de España. A BTL é a maior feira de turismo de Portugal, e reúne até este domingo aos profesionais do sector turístico pero tamén ao público en xeral.

A Eurocidade Tui-Valença estase a promocionar dentro do stand xeral de Turismo Porto e Norte de Portugal. Pero amais tamén no stand da Red de Juderías de España.

Onte á tarde presentábase en Lisboa presentar o proxecto "Río Miño, un destino navegable" promovido polas Eurocidade Tui- Valença e Salvaterra-Monçao, xunto a Turismo de Galicia e Turismo Porto e Norte de Portugal, do mesmo xeito que se fixo a finais de xaneiro en FITUR en Madrid. A Eurocidade Tui-Valença está a presentar tamén na BTL as novas guías con información cultural tanto de Tui como de Valença, as actividades financiadas con fondos europeos, e información de interese para as persoas que realicen o Camiño Portugués entrando a Galicia dende Tui. Esta nova publicación está xa dispoñible na Oficina de Turismo de Tui.

O Camiño de Santiago é outro dos atractivos turísticos nos que se fai fincapé nesta destacada cita, tendo en conta a posición estratéxica de Tui coma porta de entrada do Camiño Portugués a Galicia. Tamén se da a coñecer o proxecto Unicidade que Tui leva a cabo de xeito conxunto con Valença e as actividades que se desenvolven ao longo da mesma.

Iniciativas que foron están sendo acollidas con interese polas autoridades, visitantes, e touroperadores. Onte á tarde tiña lugar tamén unha degustación gastronómica na que os peixiños e as pastas de améndoa elaboradas polas monxas Clarisas de Tui, estiveron presentes.

Amais Tui promociona o seu legado sefardí coma unha das cidades integradas na Red de Juderías de España que estará presente na BTL cun atractivo stand, no que dar a coñecer os atractivos e patrimonio dos municipios desta agrupación.

Concello Tui

O Monte Aloia, o Monte Faro e os conxuntos históricos de Tui e Valença conforman o circuíto que ten unha ruta curta de 43 quilómetros e unha longa de 70

Este domingo regresa a IX Eurocidade BTT, proba ciclista de montaña non competitiva, que tras dous anos de parón debido á pandemia volverá reunir aos afeccionados da BTT de Galicia e Portugal nun evento entre dous países.

A proba foi presentada esta mañá polo alcalde de Tui en funcións e concelleiro de Deportes, Rafael Estévez, o vereador de Desporto de Valença, Arlindo Sousa, o presidente da Peña Ciclista Biciosos Rías Baixas, Eduardo Fernández, e o representantes da Federación Galega de Ciclismo, Óscar Sánchez.

A Eurocidade BTT está organizada pola Peña Ciclista Biciosos Rías Baixas, en colaboración coa Eurocidade Tui-Valença e a Federación Galega de Ciclismo, e subvencionada polo programa operativo Interreg.

A saída será o domingo ás 9 h dende as instalacións da piscina de Valença, onde se reunirán os 1.160 inscritos. Por diante terán 43 quilómetros para os que realicen a proba curta, e 70 quilómetros para os que opten pola distancia máis longa. A chegada estará situada fronte á Cámara de Valença na Fortaleza valenciana.

O alcalde en funcións e concelleiro de Deportes, Rafael Estévez, salientou esta mañá na presentación coma a inscrición acadada é o reflexo de que "as cousas se están facendo moi ben". Referíase Rafael Estévez ao auxe que está a experimentar o turismo deportivo xa que xunto aos participantes virán tamén familia ou amigos que aproveitarán para realizar a andaina que conducirá o club AndaTui Rego da Pedra ou para coñecer a Eurocidade Tui-Valença, facer compras ou gozar da gastronomía. Lembraba amais que a BTT é a primeira das 19 probas deportivas da Eurocidade Tui-Valença previstas para este ano.

O vereador de Desporto de Valença, Arlindo Sousa, salientaba que a esta proba "é das de maior participación e das máis agardadas" do calendario da Eurocidade. Óscar Sánchez, da Federación Galega de Ciclismo, felicitou á organización polo "traballo extraordinario realizado".

Eduardo Fernández, presidente da Peña Ciclista Biciosos Rías Baixas, explicou de xeito pormenorizado o percorrido que será "igual de duro que de precioso", e para o que hai que ter "unhas mínimas condicións físicas". Sinalaba que por seguridade e calidade estableceron o límite de inscrición nas 1.200 persoas porque a ruta a realizar é de "BTT puro". Tras a saída os ciclistas dirixiranse cara as parroquias tudenses de Malvas e Pexegueiro, cunha "ruta espectacular de 3 quilómetros á beira do río Furnia" para ter o primeiro punto de avituallamento no quilómetro 18 na igrexa de San Mamede en Malvas, e subir ao cumio do Aloia cunhas vistas espectaculares do Val Miñor e das Cíes. Tras un segundo avituallamento os participantes iniciarán o descenso, para o que recomendaba "precaución e que disfruten das trialeiras". Xa no centro urbano dende a praza de San Fernando, onde está situada a Catedral, baixarán por escaleiras até o Paseo Fluvial, dende onde chegarán a vella Ponte Internacional. Aquí ás 12.30 h establecerase o corte para poder continuar coa ruta longa. Aqueles que completen os primeiros 41 quilómetros en tempo poderán subir até o Monte Faro, novamente con espectaculares vistas, e baixar por sendeiros até a Fortaleza de Valença, onde os primeiros poderán estar entre ás 12.30 h e ás 12.45 h.

Concello Tui

Constará de 6 quilómetros entre Currás e Tui. Participación embarcacións 8 e 4

Máis de 250 deportistas participarán este sábado na XLI Regata Miño Internacional Memorial José Luís Méndez que se celebrará en augas do río Miño entre Currás, Tomiño, e Tui.

Esta proba deportiva foi presentada esta mañá na casa do concello polo alcalde de Tui en funcións e concelleiro de Deportes, Rafael Estévez o presidente do Club Remo do Miño, Manuel Ángel González, o vicepresidente do club, Luís Moroño, a secretaria Auri Gil, e polo o Comandante Naval do Miño, Pablo Redondo. Tamén estivo presente o concelleiro de Servizos Sociais e Medio Ambiente, Ismael Diz.

A inscrición para participar na regata pecha hoxe, pero está xa confirmada a presenza de 250 deportistas de Galicia e Portugal que competirán en embarcación de 8 e 4. A proba será este ano Memorial José Luís Méndez. O embarque está previsto ás 11 h en Tui, na rúa Olímpicos Tudenses, dende onde deportistas irán remando até o punto de saída en Currás. A saída comezará ás 11.50 h por tandas por categorías. O tempo estimado en completar os seis quilómetros da regata será algo máis de vinte minutos.

O alcalde en funcións e concelleiro de Deportes, Rafael Estévez, quen salientou o espectacular desta regata que este ano será "moi especial por levar o nome de José Luís Méndez", avanzando que dende o Concello se está traballando para darlle ao Centro Municipal de Remo o nome Jose Luís Méndez, figura imprescindible no remo tudense. Amosou amais o compromiso do concello co deporte e con continuar coa mellora das instalacións deportivas, na liña iniciada nos últimos anos. Animaba ao público a acudir o sábado ao Miño para presenciar esta regata. O concelleiro amosou neste acto as súas condolencias á familia e amigos de Lino Blanco, xornalista deportivo falecido nas últimas horas.

O presidente do Club Remo do Miño, organizador da regata, Manuel Ángel González, explicaba coma non foi fácil volver a arrancar tras dous anos de parón debido á pandemia. Amosou a súa satisfacción pola participación rexistrada, pese ao cambio de data, xa que a regata habitualmente se celebra en xaneiro. Amosou tamén o seu agradecemento tanto ao Concello de Tui, á Comandancia Naval do Miño e a Protección Civil así coma aos patrocinadores que fan posible este evento. A secretaria do club, Auri Gil, salientaba o "duro traballo" que hai detrás dunha regata, xa que máis aló do deportivo. Invitou á cidadanía a acudir o sábado ao río e gozar do "ballet na auga", facendo súas as palabras que José Luís Méndez empregaba para referirse ao remo, xa que afirmaba que a regata "é impresionante vela na auga".

O comandante Naval do Miño, Pablo Redondo, salientaba coma "a Armada está concienciada en axuda e co deporte" amosando o seu apoio á organización para controlar as embarcación no río, e "desexando que as probas deportivas volvan ao Miño cada fin de semana".

Concello Tui

Esta xa habilitado na web municipal un formulario para que a veciñanza poida ofrecer a súa axuda á poboación ucraína.

Deste xeito búscase coñecer os recursos, tanto materiais coma humanos, cos que se pode contar en Tui para axudar á poboación ucraína desprazada ao municipio.

Así por unha banda a cidadanía pode ofrecer vivenda, gratuíta ou en aluguer, pero tamén o seu tempo realizando labores de tradución, axudando en clases de castelán, levando a cabo reforzo educativo, acompañamento, clasificación e organización de material, … indicando a súa dispoñibilidade horaria. Tamén se pode ofrecer axuda material en forma de roupa, enxoval, libros, material escolar, produtos de hixiene,… e no caso das empresas poden tamén ofrecer emprego.

Estes recursos, que serán rexistrados, irán activándose a medida que sexan necesarios tanto a curto, coma a medio e longo prazo.

O formulario pódese cubrir en liña na propia web, ou descargar en envialo ao correo axudaucraina@tui.gal ou tamén presentalo presencialmente no Centro Sociocomunitario, no Centro Municipal de Formación e Emprego, ou nos Servizos Sociais Comunitarios Municipais. Este documento tamén se pode recoller impreso nestes tres puntos.

Dende o Concello de Tui agradécese á cidadanía a colaboración e axuda nesta crise humanitaria, e faise fincapé na importancia de poder canalizar toda a esta axuda do xeito máis efectivo.

Este venres (18/3)volverase reunir no Concello de Tui a mesa de traballo creada para axudar á poboación ucraína.

Concello Tui